-i aux -u por komandoj?

Jen interesa opinio de Bertilo pri la afero kiu validas laŭ mi:

Mi estas delonge konvinkita ke -i estas praktike la plej bona elekto. La jenon mi siatempe skribis diskutante kun la "lernu!"-teamo pri tio:

iam ni en la teamo havis diskuton pri chu uzi -i au -u en frazoj kiu aperas inter [ kaj ] che lernu. iuj argumentis por -i kaj ni elektis tion ("Traduki", "Aldoni ion" ks). do, mi pensas ke " [ Eniru la novajhsistemon! ] " estu "Eniri la novajhsistemon" (sen krisigno) por pli bone kongrui kun aliaj []-frazoj en la pagharo.. chu en ordo? :-)

Tio estas en ordo por mi. Tiu debato pri I au U estas chiama kaj eterna, kaj shajne neniam eblos konvinki alipartianojn. La tuta afero estas foje preskau religia.

Oni memoru, ke iafoje temas pri tio, ke la programo/TTT-ejo... faru ion lau ordono de la uzanto, dum alifoje temas pri tio, ke la uzanto volas mem fari ion (pere de alklako al butono au menuero). Iafoje estas malfacile distingi la du okazojn. Se oni elektas uzi U-formojn, tiu distingo farighas akre sentebla, kaj donas problemojn. Ekz. se temas pri ensalutado, estus tute erare skribi "Ensalutu". Kiu ordonas al kiu ensaluti? (Same estas pri "Eniru la novajhsistemon.) Se oni elektas I-formojn, tiu problemo-harfendajho pli-malpli malaperas automate. Mi spertis tion praktike, kiam mi faris interfacojn por la Tekstaro kaj en la TTT-ejo de la Akademio (sed eble mi tamen ne sukcesis esti konsekvenca...).

Amike,
Bertilo Wennergren